Ligjëratat do të mbulojnë tema lidhur me ndikimin e BE-së në rehabilitimin e Kosovës pas konfliktit, në disa fusha si në vijim: ndërtimi i paqes, pajtimi, dialogu social, demokratizimi, diversiteti dhe përfshirja, ngritja e kapaciteteve politike, rindërtimi ekonomik dhe shoqëria civile.

Hulumtimi do të përfshijë punën vullnetare të studentëve për të shqyrtuar literaturën ekzistuese dhe zhvilluar hulumtimin në terren. Kështu ata do të analizojnë ndikimin e BE-së në Kosovë, në aspektin e politikave (analiza e dokumenteve), praktikës (zbatimit të politikës) dhe përvojës (si ndjehen njerëzit dhe komunitetet në lidhje me këto politika).

Do të organizohen ligjërata publike me të ftuar specialë që trajtojnë temën e rolit të BE-së në demokratizimin, pajtimin dhe shtetndërtimin në Kosovë. Audienca do të përfshijë kryesisht studentë të disiplinave të ndryshme studimore brenda Kolegjit AAB; megjithatë, ligjeratat do të jenë të hapura edhe për profesionistë të tjerë.

Studentët që ndjekin modulin, do të përgatisin prezantime mbi tema që lidhen me planprogramin e lëndës dhe do të prezantojnë para audiencës së shkollës së mesme për të përhapur njohuritë përtej akademisë, ekspozuar dhe sensibilizuar nxënësit e shkollave të mesme me temën dhe potencialisht për të rritur interesin e tyre për studimet evropiane.